Азиз фермерлар!
Ғўза парваришида амалга ошириладиган шу куннинг долзарб вазифалари:
- Ҳар бир фермер хўжалигида карта қирғоқларини конверт усулида қайта кўриб чиқиб, озиқ-овқат экини экиш, экилган майдонларни суғориш ҳамда агротехник тадбирларни ўтказиш.
- Барча культиваторларни ҳудудларга йиғиб, ишчи органларини қайтадан кўриб чиқиш, ҳар бир культиваторга бочка ва штангель ўрнатиб, культивация билан биргаликда суспензия қилиш.
- Сифатсиз культивация ўтказилган майдонларда ўғитлашдан олдин сапожокнинг олд қисмига пол лапка ёки 60 лик лапка ўрнатиб, ўғитлаш.
- Ҳар бир картадаги ғўзани ўрганиб чиқиб, ола экиш кунини ташкил этиш.
- Дала шийпони, чайлаларни яна бир бор кўриб чиқиб, ҳар бир фермер хўжалигида 5 қути асалари, 50 бош парранда, бир бошдан қорамол боқиш ва фермер хўжалиги раҳбарининг далага кўчиб чиқиши.
- Теша чопиқ, ягана ва бегона ўтдан тозалаш ишларини 3 кун муддатда якунлаш.
- Далани оилавий пудратчиларга бир гектардан бўлиб бериб, меҳнат дафтарчаси очган ҳолда табличкаларни ўрнатиш.
- Бир гектар чопиқ учун 150 минг сўм, бир гектар ягана учун 120 минг сўмдан иш ҳақини даланинг ўзида нақд пул шаклида бериш.
- Культиваторларни механизаторлар уйларига йиғиб, механизаторларнинг дала шийпонида ётишини ташкил этиш, эрталаб нонушта бериш, соат 5.00 дан кечикмай механизаторлар уйида ёқилғи қуйиш ва талабнома асосида ишга чиқаришни ташкиллаш, ҳар 5 кунда бир гектар культивация учун 12 минг сўмдан иш ҳақи тўлаш.
- Семинар орқали ғўза суғоришни кўрсатиш ва сувчиларга ҳар 5 кунда иш ҳақи бериш.
- Ғўзани суғоришдан олдин картага ўқариқ мосламаларини киритмасдан қўлда олиш.
- Шира-трипс ва ўргимчаккана билан зарарланган майдонларга зудлик билан суспензия ва ИСО эритмасини сепиш.
- Ҳар бир ОВХ тракторга штангелли мослама ўрнатиб, ғўзани баргидан озиқлантириш ва ҳашаротларга қарши курашиш.
- Ҳар бир далага биомаҳсулотларни схема асосида фақат кечқурун қўйиш.
- Ҳар бир гектар пахта майдонига 10 тоннадан маҳаллий ўғит чиқариш.
- Ғўзанинг ҳар йилга нисбатан фойдали ҳароратни кам олганлигини ҳисобга олиб, культиваторларни кўпроқ ишлатиш ва чуқур, сифатли чизель ўтказиш.
- Далада ишловчиларга шароит ва иссиқ овқат ташкил этиш.

