Сиз йиғламанг…
Кўзингизда кўрдим мен нам,
Нега бунча зор йиғлайсиз?
Боисини айтманг, майли,
Лек, йиғламанг, йиғлоқи қиз.
Дилингизда алам қат-қат,
Юрак бунга этмас тоқат.
Нелар бўлса, бўлсин, фақат
Сиз йиғламанг, йиғлоқи қиз.
Ярашмайди кўз ёш сизга,
Тил келишмас юпанч сўзга,
Таскин йўқдир шеърдан ўзга,
Сиз йиғламанг, йиғлоқи қиз.
Қора кўзлар бўлмасин нам,
Ахир, дунё ўзи бир кам,
Бунга иқрор Мумтоза ҳам,
Сиз йиғламанг, йиғлоқи қиз.

