Китоб ўқинг

Керак бўлса гар билим,

Ҳам қидирсангиз илм,

Чарчаб олганда тиним

Китоб ўқинг, тенгдошлар.

Китоб эрур бебаҳо,

У офтоб эрур гўё,

Чин дўст ҳамда ошино,

Китоб ўқинг, тенгдошлар.

Китоб мисли хазина,

Ичи тўла ганжина.

Маслаҳатим биргина –

Китоб ўқинг, тенгдошлар.

Дермиш баъзи «доно»лар:

«Китоб ўтмиш бўп қолар».

Бекор айтибди улар,

Китоб ўқинг, тенгдошлар.

Интернету телефон

Вужудимизга зиён.

Фойдаси бисёр ҳамон

Китоб ўқинг, тенгдошлар.

Китобхонлик – хуш одат,

Топарсиз бахту омад,

Бўларсиз соғ-саломат,

Китоб ўқинг, тенгдошлар.

Азиза ИБРОҲИМОВА, 36-мактабнинг 10-синф ўқувчиси.