ҚУРИЛИШ МАЙДОНЛАРИДА ЁНҒИН ХАВФСИЗЛИГИ

Туманимизда тадбиркорлар томонидан маиший хизмат шохобчалари, турли қурилиш ишлари давом эттириляпти.

Қурилиш ишларини хатарсиз якунлаш учун қуйидаги ёнғин хавфсизлиги қоидаларига риоя этилиши тавсия қилинади:

-хизмат кўрсатаётган ишчи-хизматчиларни кунлик ёнғин, ёнғин техника хавфсизлиги қоидалари бўйича йўриқномадан ўтказиш;

-қурилиш-монтаж ишларида ёнғин хавфсизлигини таъминлаш мақсадида жавобгар шахс тайинлаш;

-қурилиш ишлари олиб борилаётган майдонлар ҳудудида сунъий тўсиқлар бўлмаслиги;

– махсус ёнғин ўчириш автомобилларининг эркин ҳаракатланиши учун йўлаклар ташкил этиш;

-қурилиш майдонига кириш дарвозаси атрофига қурилаётган биноларнинг йўлаклари, сув ҳавзаларининг жойлашуви, алоқа ва ёнғинга қарши қурилмалар туширилган бош режалар осиб қўйилиши;

-қурилаётган бинолар ичкарисида ёнувчи материаллар, гарбит, кальций, кислород ва газ баллонларини сақлаш учун вақтинчалик омборхоналар ташкил этмаслик;

-олов билан боғлиқ ишларни белгиланган махсус жойларда амалга ошириш;

-қурилаётган ва бошқа бинолар билан ишчи-ходимларнинг вақтинчалик вагонлари ҳамда  қурилмаларнинг оралиқ масофаси 18 метр бўлишини таъминлаш;

-қурилаётган биноларнинг умумий ҳажмини эътиборга олиб, қурилиш майдонларида вақтинчалик ёнғинга қарши сув сиғимлари КМК 2 04 02 97. талаблари асосида ташкил этилиши;

-фавқулодда вазиятларда ёнғин содир бўлганда ишчи-хизматчиларни хавфсиз жойга кўчириш учун эвакуация режасини ишлаб чиқиш ҳамда фавқулодда ҳолатларда амалга оширилиши лозим бўлган вазифалар тақсимотини қилиш;

-ишчилар ва муҳандис, техник ходимлар орасида кўнгилли ёнғин ўчириш гуруҳи тузиш, меъёр талабларига асосан қурилиш майдонлари бирламчи ва дастлабки ОУ-углекислотали ёнғин ўчиргичлар билан таъминланиши;

-қурилиш ва бошқа моддий товар материалларини тартибга келтириш ва ёнғинга қарши оралиқ масофаларни сақлаш лозимлигини унутмаслик керак.

Бахтиёр ЙЎЛЧИЕВ,

туман ИИБ ЁХБ 6-КЁХҚ йўриқчиси.