ДЕФОЛИАЦИЯ СИФАТЛИ БАЖАРИЛСИН
«Зарбол-Навоий» СИУ ҳудудидаги «Умрзақов Жаҳонгир» фермер хўжалигида ғўза дефолиациясини сифатли ва белгиланган муддатларда бажариш бўйича вилоят кўргазмали семинари бўлиб ўтди.
Унда вилоятимиздаги қишлоқ хўжалиги соҳаси мутахассислари, туманимиздаги пахтачилик фермер хўжаликлари раҳбарлари иштирок этдилар. Семинарда Ўзбекистон Республикаси Фавқулодда вазиятлар вазири Р.Джўраев, «Ўзагрокимёҳимоя» АЖ раиси У.Ахунов, вилоят ҳокимининг қишлоқ ва сув хўжалиги масалалари бўйича ўринбосари Р.Курбановлар иштирок этишди ва энг муҳим тадбир дефолиацияни сифатли амалга ошириш учун бажарилиши лозим бўлган ташкилий ишлар борасида тавсия, топшириқларни тўлақонли тушунтирдилар.
Дефолиация тадбирини ўз вақтида амалга оширилиши белгиланган меъёрдаги дефолиантлар қўлланилиши, об-ҳаво ва ердаги намликни 65-70 фоиз миқдордалиги вақтида ўтказилиши, ҳосилдорликни 2-3 центнерга ошишини ҳамда ҳосилни ёғин-сочинга қолдирмай йиғиб олишга шароит яратиши хусусида керакли тавсиялар берилди.
Икромжон АТАВАЛИЕВ,
туман Кенгаши депутати.

