«СИЗ ҚОНУННИ БИЛАСИЗМИ?»
|Яқинда коллежимизда тумандаги касб-ҳунар коллежлари ўқувчилари ўртасида «Сиз қонунни биласизми?» кўрик-танловининг туман босқичи ўтказилди.
Ҳудудий босқичда ғолиб бўлган Жийдакапа қурилиш ва коммунал хўжалиги касб-ҳунар коллежининг «Юстиция», Уйчи маиший хизмат касб-ҳунар коллежининг «Адолат», Уйчи қишлоқ хўжалик касб-ҳунар коллежининг «Камолот юлдузлари» ҳамда коллежи-мизнинг «Истиқлол» жамоалари мазкур танловда ўзаро баҳслашдилар. Танловдан тест синовлари, ҳуқуқий маданият ва саводхонликнинг ҳаётий аҳамияти, вояга етмаганлар ўртасида ҳуқуқбузарликларнинг салбий оқибатларини саҳна кўринишлари орқали намойиш этиш каби шартлар ўрин олди.
Танлов якунига кўра коллежимизнинг «Истиқлол» жамоаси биринчи ўринни қўлга киритди ва вилоят босқичига йўлланма олди. Куни кеча вилоят ҳудудий босқичида ҳам жамоамиз ғолибликка эришди.
Бундай ютуққа эришилишида коллежимизнинг “Камолот” ёшлар етакчиси Акмал Исоқов, тарих фани ўқитувчиси Ҳожиакбар Умрзоқов, НамДУ ижтимоий-иқтисодиёт факультетининг иқтисодиёт йўналиши ҳамда Наманган муҳандислик педагогика институти амалиётчи талабаларининг ҳиссалари катта бўлди.
Роҳатхон МАМАСОЛИЕВА,
Уйчи иқтисодиёт ва хизмат кўрсатиш касб-ҳунар коллежининг АКМ мутахассиси.