Ўзбекистоним

Сенсан менинг қароргоҳим, мовий осмоним,

Сенсан ўзинг борлиғим ҳам ёруғ жаҳоним,

Кўнгилни хуш айлагувчи суюк каломим.

Ўтмиши ҳам келажаги буюк қўрғоним,

Ўзбекистон, Ўзбекистон, Ўзбекистоним.

Неча йиллар ғафлат босиб, уйқуда қолдик,

Кимлар учун машаққату меҳнатда толдик,

Эзгу ният билан бирга одимлаб бордик.

Истиқлолга эришдик биз, улуғ Туроним,

Ўзбекистон, Ўзбекистон, Ўзбекистоним.

Кўз қувонар осмонўпар биноларингдан,

Дуо қилган боболару момоларингдан,

Кун ёришгай қўшиқ, ку-ю наволарингдан.

Ўхшаши йўқ она диёр, ота маконим,

Ўзбекистон, Ўзбекистон, Ўзбекистоним.

Юртим, сенинг гўзаллигинг тоғларинг безар,

Гулшанларинг, бўстонларинг, боғларинг безар,

Сенга бўлган муҳаббатим юракда кезар.

Барча юртдан улуғдирсан, гўзал бўстоним,

Ўзбекистон, Ўзбекистон, Ўзбекистоним.

Шокиржон БОЙХОНОВ.