Ўзбек қизиман
Юртим орзулари осмон бўйлаган,
Аллоҳим шу юртни бахт-ла сийлаган,
Доимо қувончдан, бахтдан куйлаган,
Мен ўзбек қизиман, ўзбек қизиман.
Қайси юрт боласи биздайин бахтли,
Қайси юртда гўдак бўлолди тахтли,
Ўзбек боласининг сўзлари шахдли,
Мен ўзбек қизиман, ўзбек қизиман.
Ҳар гўшанинг ажиб таровати бор,
Ўзбекманки, менга доим толе ёр,
Беклигимни ҳеч ким этолмас инкор,
Мен ўзбек қизиман, ўзбек қизиман.
Юртим тупроғини топтолмас ғаним,
Юртимнинг шаъни – бу менинг ҳам шаъним,
Ғанимга бош эгмас Ватаним маним,
Мен ўзбек қизиман, ўзбек қизиман.
Мунаввар ЖАКБАРОВА,
11-мактаб ўқувчиси.

