Адашдим

Юрагимни  қизил олмадек

Тутқазибман ёрим қўлига.

Севги таъмин туйиб ҳолвадек,

Айланибман унинг қулига.

Қоқилсам-да, ҳижрон тошига,

Бардошимга дардим тўкибман.

Вафосизнинг бориб қошига,

Сароблардан бахтим тўқибман.

Эҳ, бунча ҳам  бўлмасам содда,

Ёлғонларга қалбим алишдим.

Вафосизлар борлиғи сохта

Беҳудага қанча олишдим.

Маҳлиё АБДУЛАЗИЗОВА,

18-МТМ тарбиячиси.