Ақл ва хаёл
Тайинлашди учрашув,
Доно ақл ва хаёл.
Бу қандайин тўқнашув?
Ўйлантирар шу савол.
Ақл тузди хўб режа,
Ва ўйлаб босди қадам.
Хаёл паришон бўлиб,
Кезиб юрарди олам.
Осмонга этди парвоз,
Тургандай бахт кўриниб.
Теракларнинг учига,
Қолди шу чоғ илиниб.
Ақл эса китобдан
Сув ичиб топди камол.
Униб чиқди дононинг
Ғояси бўлиб алҳол.
Алқиссаким, ақлга
Суянганлар адашмас.
Ақл – учқур, хаёл – пуч,
Алданишинг ҳеч гапмас.
Дилноза АЗИЗОВА.

