Рашк
Кўнглинг сени кимда, айтармисан ёр,
Ёлғонми тунлари бўлганинг бедор,
Қалбимни парчалаб берарсан озор,
Ўзга ёрга дилинг қилдингми изҳор?
Майли унут, келма ёнимга буткул,
Бир юракка сиғмас икки хил кўнгил,
Сенсиз сайрамаса боғимда булбул,
Ғунчасин очмайди битта атиргул.
Маъюс кўзларингда минг битта хаёл,
Қулоқ сол қалбингга, топмасин завол,
Шеър ёзиб Маҳбуба беради савол,
Рашк ичра хўрланиб, бўлдингми увол?
Маҳбуба ЁҚУББОЕВА.

