5 ФОЙДАЛИ ОДАТ
Агар китобни тўғри баҳолаш, танлаш ва сотиб олишни ўргансангиз, ўзингизда китоб ўқишдек бебаҳо одатнинг пайдо бўлишига эришасиз.
АҚЛЛИ БЎЛАСИЗ
Китоблар – ақлий фаолиятни ривожлантириш, хотирани яхшилаш ва ўрганиш қобилиятини оширишга мўлжалланган дориларнинг энг яхши ўрин босувчиси ҳисобланади. Дорилар вақт ўтиши билан ҳеч қандай фойда бермай қўйиши мумкин, лекин китоб ўқиш ҳар доим ақлингизни чархлаб боради.
ҲАР ДОИМ ЎЗ БИЛИМЛАРИНГИЗНИ ЯНГИЛАБ БОРАСИЗ
Ёзувчи асарни ёзишда унга ўзининг донишмандлигини сингдиради. Ўқувчи бу сўзларни ўқиётганда ёзувчининг ўша донишмандлик оламига кириб қолгандек бўлади. Асарни бироз вақт ўқиганингиздан кейин ўзингизни худди ақлингиз янгилангандек ҳис қиласиз. Бундай янгиланишдан кейин сизга суҳбатларда ўзингизни кўрсатиш осонроқ бўлади.
ЁЛҒИЗЛИККА ЎРГАНАСИЗ
Китоб ўқишда фикрлаш учун тўхтаб олиш ва ҳамиша ўзимизни яхшилаб бориш билан биз хонада ёлғиз ўзимиз хотиржам ўтиришга ўрганиш имкониятига эга бўламиз. Француз математиги Блез Паскал айтган инсониятнинг асосий муаммоларидан бирини шу йўл билан енгиш мумкин: «Одамларнинг ҳамма бахтсизликлари уларнинг ўз хонасида хотиржам ўтира олмасликлари натижасида юз беради».
ТЎҒРИДАН-ТЎҒРИ ТАЖРИБАГА ЭГА БЎЛАСИЗ
Донишмандликка бўлган ташналик – ҳаддан ташқари берилиб кетишдан қўрқмасдан, муаммосиз қондириш мумкин бўлган бирдан-бир истак ҳисобланади. Етарлича ўқиб бўлганимиздан кейин биз яхши ғоялар ва жасурлик билан тўлиб-тошамиз, шунинг учун дунёни текширишга тайёр бўламиз.
МЕДИТАЦИЯ ҚИЛИШНИ ЎРГАНАСИЗ
Қанча кўпроқ ўқисак ва вақтимизни китоблар билан ўтказсак, шунча кўпроқ концентрация тўплаймиз ва шунча кўпроқ медитация қилишни хоҳлаймиз.
Ўқиш туфайли биз хотиржамроқ ва чидамлироқ бўламиз, узоқ вақт оралиғида битта нарсага диққатимизни қаратишни ўрганамиз. Шундай экан, китоб ўқинг. У сизнинг доимий ҳамроҳингиз бўлсин!
Наргиза ҲАМРОҚУЛОВА, 22-мактаб ўқитувчиси.

