Гўзал ёр

Ҳой, уйчилик гўзал ёр,

Шошманг, сизда гапим бор.

Билсангиз йигит сўзим:

Ўзим сизга харидор.

Рўмолингиз гулойим,

Қарашингиз мулойим.

Кўз тегмасин, илойим,

Тилагим сизга бисёр.

Ўнгимда-ю тушимда,

Айирдингиз ҳушимдан.

Таърифлаб хонишимда

Куйлайман такрор-такрор.

Сиз – Уйчимнинг гўзали,

Сўзларингиз мазали.

Ошиқдирман азалий,

Шошманг, сизда гапим бор. Зоҳида АҲМАДЖОНОВА.