ЯНГИ ЙИЛГА ЯНГИ ИШ ЎРИНЛАРИ

Навоий МФЙда хусусий тадбиркор Шукрулло Қаҳрамонов томонидан «DILIM» текстил ишлаб чиқариш корхонаси фаолияти йўлга қўйилди.

-Тадбиркор «Аёллар дафтари» ҳамда «Темир дафтар»да рўйхатда турган ишсиз хотин-қизлар бандлигини таъминлашга алоҳида эътибор қаратди. Ҳозирда бу ерда 15 нафар хотин-қиз доимий иш ўрнига эга бўлди, -дейди туман ҳокимининг маҳалладаги ёрдамчиси Камолиддин Нажмиддинов.

Корхонанинг очилиш маросимида 4-сектор раҳбари, туман ДСИ бошлиғи Хондамир Бобоев, «Маҳалла» ХЖФ туман бўлинмаси раиси Неъматилла Раҳимов сўзга чиқиб, жамоа фаолиятига омадлар тилашди.