Туман ҳокимининг қарори ТУМАНДАГИ ДАФН ЭТИШ ЖОЙЛАРИНИ САҚЛАШ ҚОИДАЛАРИНИ ТАСДИҚЛАШ ТЎҒРИСИДА

Ўзбекистон Республикасининг «Дафн этиш ва дафн иши тўғрисида»ги Қонунининг 15-моддаси, Вазирлар Маҳкамасининг 2011 йил 4 апрелдаги «Дафн этиш ва дафн иши тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 101-сонли қарори ижросини таъминлаш мақсадида, «Маҳаллий давлат ҳокимияти тўғрисида»ги Ўзбекистон Республикаси Қонунининг 6, 25-моддаларига мувофиқ,

ҚАРОР ҚИЛАМАН:

  1. Уйчи туман ободонлаштириш бошқармасининг 2022 йил 29 январдаги 01/10-07-сонли хати маълумот учун қабул қилинсин.
  2. Уйчи туманида дафн этиш жойларини сақлаш қоидалари иловага мувофиқ тасдиқлансин.
  3. Уйчи туман ободонлаштириш бошқармаси, санитария-эпидемиологик осойишталик ва жамоат саломатлиги бўлими, экология ва атроф-муҳитни муҳофаза қилиш бўлими ва қурилиш бўлими:

-тумандаги барча қабристонларда дафн этиш жойларини сақлаш қоидаларини бир хилда ижро этилишини;

-мазкур қоидаларда белгиланган нормаларни аҳоли ўртасида кенг ёритилишини таъминласин.

  1. Мазкур қарор туман ҳокимлигининг «Уйчинома» газетасида расман эълон қилинсин ва ҳокимликнинг «uychi.uz» расмий веб-сайтига жойлаштирилсин.
  2. Ушбу қарор расман эълон қилинган кундан бошлаб кучга киради.
  3. Ушбу қарордан норози шахслар белгиланган тартибда юқори турувчи органга ёки судга шикоят қилиш ҳуқуқига эга.
  4. Мазкур қарор ижросини назорат қилиш туман ҳокимининг ўринбосари А.Ғофуров зиммасига юклансин.

Тумани ҳокими  Ш.МУСАЕВ.

Уйчи шаҳарчаси,

2022 йил 21 февраль.