ВАТАН

Ватан, сени таърифламоққа,

Айтарли сўз топа олмадим.

Юрак жўшиб куйлади аммо,

Бир сўз топиб айта олмадим.

Севги дедим, куйладим узоқ,

Таърифига неча сўз топдим.

Юрагимда тополмай бўш жой,

Яна қоғоз ёнига чопдим.

Кўп ўйладим, недан сўз очай,

Ё айтайми юракнинг сирин?

Хаёлларим учди йироққа,

Гўё топмай ҳеч ерда ўрин.

Ватан, дедим ногаҳон бирдан,

Оҳ, ўзимдан ўзим ҳам қўрқдим.

Ушлаб яна қўлимга қалам

Таърифингга яна сўз битдим.

Юрагимда бор эди бўшлиқ,

Англамасдим, не керак унга?

Ватан, десам тинчланиб бирдан,

Пичирлади: «У керак менга».

Ўғилой БЕКМИРЗАЕВА,

33-мактабнинг 9-синф ўқувчиси.