ТАДБИРКОР АЁЛЛАР ҚЎЛЛАБ-ҚУВВАТЛАНАДИ
Туман маданият марказида тадбиркор аёллар ва шу соҳага қизиққан хотин-қизлар иштирокида очиқ мулоқот бўлиб ўтди.
Учрашувни туман ҳокимининг ўринбосари, оила ва хотин-қизлар бўлими бошлиғи С.Аҳмадалиева очди. Тумандаги лидер тадбиркор аёллар ўз фаолиятлари ҳақида сўзлаб беришди.
Очиқ мулоқот давомида мамлакатимизда хотин-қизлар тадбиркорлигини ривожлантириш учун яратилган шарт-шароитлар, соҳада амалга оширилаётган ислоҳотлар тўғрисида маълумотлар берилди ва истиқболдаги режалар билан ўртоқлашилди. Жумладан, аёл тадбиркорларнинг фаолиятини ривожлантириш учун яратилган имкониятлар: субсидия ва имтиёзли кредитлар ажратиш тартиби, ипотека кредитлари, уй-жой билан таъминлашдаги ҳамда солиқ, божхона тизимидаги мавжуд имтиёзлар юзасидан маълумотлар берилди.

