Онам

Оқ сутингиз ичдим туғилган оним,

Қалбимда жўш урар сиз ила қоним.

Сиз менинг фариштам, жону жаҳоним.

Осмоним, қуёшим, ой онагинам.

Борлигим, ҳаётим, юрагим – она,

Орзуим, умидим, тилагим – она,

Кўз очиб кўрганим, керагим – она,

Қоп-қора қошлари ёй онагинам.

Меҳрингиз юксакдир осмонлардан ҳам,

Сўзингиз мулойим, эркалар бирам,

Биби Фотимадан эмассиз ҳеч кам,

Чиройу меҳрга бой онагинам.

Хуршида АБДУҒАФФОРОВА,

24-мактаб ўқитувчиси.