Гуноҳдан қоч
Имконинг борича қилгин минг савоб,
Ота-онанг пойига этгин сен тавоб,
Сўнг пушмон қилмагин, бўлмагин хароб,
Аллоҳнинг олдида берасан жавоб.
Гуноҳлар устидан қилмагин гуноҳ,
Шайтонлар йўлингда бўлади ҳамроҳ.
Пушаймон бўлганда чекма оҳу воҳ
Кеч бўлса-да Аллоҳдан сўрагин паноҳ.
Ота-онанг дилин ранжитма зинҳор,
Охиратни ўйла, бўлма хору зор.
Маҳбуба айтади бўлгин беозор,
Манзилинг охирин безар чаманзор.
Маҳбуба ЁҚУББОЕВА.

