КОРОНАВИРУС ҲАҚИДА ЎН САВОЛГА ЎН ЖАВОБ

1. Нега бу бу касаллик коронавирус деб номланди?

-Вируснинг микроскопик кўриниши худди тожга ўхшаб (коронага ўхшаб) кўринганлиги учун шундай ном билан аталган.

2. Нега янги вирус COVID  – 19 деб ёзиляпти ?

-Чунки бу вирус 2019 йилнинг декабрь ойида Хитой Халқ Республикасининг Ухан шаҳрида топилиб, зотилжам касаллигининг янги белгиларини берган.

3. Қаердан келиб чиқди бу касаллик?

-Асосий инфекция манбаи ёввойи ва уй ҳайвонлари ва бемор одам.

4. Қандай юқади?

-Касаллик ҳаво томчи йўли билан юқади.

5. Касалликнинг яширин даври қанча?

-Касалликнинг яширин даври 14-21 кун.

6. Касаллик юқтириб олингандан кейин бемор деб топилса неча кунда белгилари намоён бўлади?

-Касаллик белгилари 2-4 кунда пайдо бўлади.

7. Қандай белгилари кузатилади?

-Белгилари худди грипп ва ўткир респиратор  шамоллаш касаллиги белгиларига ўхшаб кетади. Яъни

-юқори ҳарорат;

-бурундан шилимшиқ оқиши (тумов белгилари);

-умумий ҳолсизлик;

-нафас олганда кўкракда оғриқ сезгилари бўлиши;

-қуруқ йўтал;

8. Уй шароитида қандай фарқлаб, гумон қилишимиз мумкин?

-Касаллик тез авж олади. Қуруқ йўтал кучайиб, нафас олиш қийинлашади. Умумий ҳолсизлик белгилари оғир ўтади.

9. Касаллик белгилари пайдо бўлиши билан нима қилиш керак?

-Юқоридаги белгилар пайдо бўлиши билан яқин орадаги шифохоналарга тезлик билан мурожат қилиш керак.

10. Касалликнинг олдини олиш мумкинми?

-Албатта, тез-тез қўлларни совунлаб ювиш;

-керак бўлмаса қўлларни оғизга, бурунга, кўзга тегизмаслик;

-тез-тез кўк ва лимонли чой ичиш;

-аҳоли кўп тўпланган омма орасига бормаслик, бориш керак бўлса, ҳимоя маскаларидан фойдаланиш;

-йўталганда, аксирганда оғизни дастрўмол билан ва тирсакни буклаган ҳолда оғизни беркитиш;

-грипп билан оғриган беморлар билан алоқа қилмаслик;

-кун давомида оч қолмасликка эътиборли бўлиш.

Дилором  МАМАТХОНОВА,

вилоят ССБ  АСТТҚҚ ва ЖФО бўлими мутахассиси,

Абдимуталли НИШОНОВ, туман СЭОМ бош врачи.