ВИРУСЛИ ГЕПАТИТ «А» ДАН ЭҲТИЁТ БҒЛИНГ!

Вирусли гепатитнинг «А» тури – ўткир юқумли бўлиб, касаллик жигар ҳужайраларининг жароҳатланиши билан кечади. Касаллик қўзғатувчилари беморнинг нафас йўллари шилимшиқ суюқлиги, сўлаги, нажаси ва пешоби орқали ташқарига ажралиб чиқади.

Касалликнинг омиллари:

-вирус одам организмига оғиз орқали қайнатилмаган сув ва вирус билан зарарланган озиқ-овқат маҳсулотларини қабул қилиш;

-бемор фойдаланган идиш-товоқлар, чойшаб, ёстиқ жилди, кийим-кечаги, ўйинчоқлар, сўрғичлар ва ҳожат тувакларидан фойдаланиш;

-бемордан қолган овқат қолдиқларини истеъмол қилиш;

-тозаликка риоя қилмаслик, қўлларни совунлаб ювмаслик;

-мева-сабзавотларни ювмасдан истеъмол қилиш;

-касаллик қўзғатувчиларини ташувчи пашшаларнинг кўпа-йиши орқали юқади.

Аломатлари:

-умумий ҳолсизлик;

-иштаҳасизлик;

-кўнгил айниши;

-овқатлангандан сўнг қайт қилиш;

-шиллиқ қават ва терининг сарғайиши.

Кўриладиган чоралар:

-касалликнинг илк белгилари сезилса, зудлик билан шифокорга мурожаат қилиш ва унинг тавсиясига кўра даво-муолажаларини олиш.

Шерзод ЭГАМБЕРДИЕВ,

туман СЭО ва ЖСБ эпидемиология бўлими эпидемиологи,             

Дилноза ХАЛИЛОВА, ёрдамчи эпидемиолог.